- 407 -

1404. Sept. 15. Liegnitz.

Verleihungaurkunde Herzog Ruprechts an Michael von Deutschbrod, Pfarrer von St Albrecht in der Neustadt zu Prag, der sich der Instandsetzung der Bergwerke zu Goldberg und Niclasdorf unterzogen hat.

Wir Ruprecht von gotes genaden in Slesien herczog vnd herre zu Legnicz zum Goltperk vnd zu Niclasdorff bekennen offintlichen mit desem briue allen den, dy en sehen adir horen lesen, das vor vns komen ist der ersame herre Michel vom Deutschbrode pfarrer zu sant Albrecht in der Newenstat zu Prage, vnsir liber andechtiger vnd hat vns seyne meynunge eygentlich fürgeleget vnd volkummenlich vnderweyst, wy das her mit gotis hulfe seiner kunst vnd kunstlicher arbeyt unsire berckwerk zum Goltperge vnd zu Niclasdorff gelegen, dy do abpewd vnd ledig ligen von wassernot wegen, die widerbrengen wolle in sulcherweyse, das her das wasser künstlichen ane rosse vnd pferde aus denselben bercwerke czihen vnd brengen wolle vnd dy kunst also fertiklichen anrichten, das man darinne vorbasmer hawen vnd mit rechtir berclicher arbeyt hawen vnd arbeyten mogen, vns zu sünderlichem nucze vnd fromen, allen vnsern landen vnd lewten zu besserunge vnd auch den vorgenanten berckwerken, vnd darvmb haben wir von furstiklichen gnaden, von vnsers selbes vnd von des hochgebornen fursten vnd herren, hern Wenczlaws vnsirs liben bruders wegen, der mit vns erbherre ist zu Legnicz, zum Goltperge vnd zu Niclasdorff, mit wolbedochten mute vnd rate vnsir stete zu Legnicz, zum Goltperge vnd zu Niclasdorff vnd gemeynlich der rete vnd der burger vnd auch der gemeinen dorinnen, vnsir liben getrawen vnd mit rechtir wissen globit vnd globin mit guten trewen an argelist dem egenanten hern Micheln, seyne lebende tage, wenn her das darczu brenget vnd anrichtet, das seyne kunst vorgank gewynnet vnd darnach hern Andreas auch zum Deutschenbrode erczpriester vnd thumherre zu Olemmicz vnd Franczen, pfarrer zu Bistizicz vnd Steffan vom Deutschenbrode seiner swester sone vnd eren nachkomen vnd donoch Peter von Pyssk, burger vff dem perge czum Kutten vnd Hancken von Gyra, seynen sonen, liben frunden zu getrewer hant, oder wen der egenante her Michel benennet, oder das gebit, es seyn gotis hewsir, armen lewten, spitalen odir andirn selgereten, frunden adir fremden ein freyes achteteyle nach vnsir vrbar odir das czehende genant, das ist das czwelffte teyl odir dy zwelffte mark oder das zwelffte lot, es sey golt odir silbir odir welcherley das erz sey, es sey wenig odir vil, zunemen vnd erblich vnd ewiklich zubesitzen in allen vnsern landen, insulcher weyse vnd vnderscheyt, waz got golt odir silber bescheret oder gefellet von den obgenanten berckwerken, do von sal man vns zu vor aus das zwelffte teyl geben vnd abwegen vnd donoch zu hant an allen vorczog vnd widerrede, dem egenanten herren Michel das achte teyl von allen den obgeschriben berckwerken, do seyne kunst geet, adir do man mit seyner kunst adir der selben gleich arbeyt adir arbeyten wurde sal man ym geben vnd abwegen das obgenante frey achte teyl vnd seinen erben vnd nachkomlingen frey vnd ledig geben an alles vorczihen bey vnsern hulden vnd besundern von dem berckwerke zum Goltperge in der owe genant vnd gelegen, das der egenante her Michel an richten wil an das wasser, do sal man ym vnd seynen erben eines freyes achtteyl frey vnd ledig geben an alle widerrede, als obengeschriben ist; auch ap ymant der egenanten kunst gebrauchen wolde, also, das der selbe eyne semeliche kunst odir der selben gleich, wy das dar queme, anrichten wolde ader machen von obnemunge adir lernunge wegen adir in welcherley weyse mose dar queme, ez sey zum Goltperg adir zu Niclasdorff adir andirswo, also veyt vnsir lande vnd gebite reichen, der sal auch dem egenanten hern Micheln vnd seinen nachkomen, sint her der kunst vnd fundis anheber vnd finder ist, dinen mit eynem achtteyle vnd das geben, als das obgeschriben ist, gleich den andern, vnd ap auch sulche kunst adir gruben adir berckwerke, dy do gelegen weren bey den berckwerken, dy der egenante her Michel adir seyne nachkomen mit ir kunstlichen arbeyt vortruckten vnd geweidigten adir das ym sulche kunst auch zu nucze vnd zu fromen queme, als durch cluffte adir bruche adir durchsiege adir stollen adir mit welcherley weyse adir masse in bercklichem wesen vnd handelvnge das dar queme, das man mit geswornen leuten beweysen mochte, dy selben bawleute sulcher berckwercke sullen auch mit dem rechten dis vfsacz eines freyen achteils vorbunden sein dem egenanten hern Micheln seynen erben vnd nachkomen zugeben vnd zu richten adir reichen volkomlichen, an alle hindernisse, als oben begriffen ist. Auch vorlihen wir dem vorgenanten hern Micheln, seinen erben vnd nochkomen vnd gewerken dy berckwercke zum Goltperge gelegen mit namen den erbstollen, der do getriben ist in das berckwerke zum Guldenslag adir zum Gulden rade mit sampt denselben berckwerke ader gruben zum Guldenslag adir zum Guldenrad vnd auch dy berckwerke gelegen in dem Vochswinkel, vnd auch das berckwerke adir dy gruben vf der hube genant mit allir zugehorunge vnd rechten vnd vorlihen ouch dem egenanten hern Micheln, seynen erben vnd nachkomen vnde gewerken dy berkwerke vnd gruben zu Nyclasdorff gelegen, genant zum Sperling, zum Cranischgrunde, czu den Jungen musen vnd zu den Alden musen, bey der mohle, vnd auch bey dem sehe genant vnd zum, Rysecht, zum Rotenberge, czum Mosantczern vnd czum Knegniczern vnd zu Molatschern vnd yczliche berckwerke, dy oben geschriben vnd iczlich vff beyde stollen ortir auff hangendis vnd auff legendis fur sich zwelff lehne vnd hindir sich zwelff lehne mit macht disz briffs vnd geben vnd vorlihen auch dem egenanten hern Micheln, seynen erben vnd nachkomen vnd gewerken, do czu frist drey jar vnd tage, das er dy in der frist bestellen sol, vnd was der selbe her Michel, seine erben vnd nachkomen adir gewerken berckwerkes, das obgenant ist, nicht sollen bawen weide adir mochte, das sal her fürbasz andern bawlewten vorlihen vmb ein eygenschafft, wy her mag, vnd wem her wil vngehindert, vnd ab her es in der selben czeit nicht bestellet, das dy selben berkwerke andir lewte mugen bawen, frey vnd ledig an alles hindernisz vnschedlich dem egenanten hern Micheln vnd seyne nachhomen an seynem achteil: auch vorlihen wir dem egenanten hern Micheln, seyner erben vnd nachkomen vnd gewerken alle, andre berkwerke, dy do ledig vnd apewde ligen, dy her adir seyne gewerken bawen weiden, in alle vnsirm lande zu bawen vnd zu haben erblich vnd ewiklich von vns vnd vnsirn nachkomen herczogen vnd herren zu Legnicz, czum Goltperge in sulcher mosse vnd vnderscheyt, das der egenante her Michel, seyne erben vnd nachkomen vnd gewerken dy vrbar adir den czehende genant, das ist das zwelffte teyl da von vns vnd vnsern nachkomen herren vnd herczogen czu Legnicz vnd zum Goltperge geben sullen von allem, das yn got bescheret, es sey golt adir selbir adir welcherley ercz das genant ist vnd das vbrige, es sey vil adir wenig, es sey golt adir silbir, adir was das wer, das sol der vorgenante her Michel seynen erben vnd nachkomen vnd gewerken vnd ir iczlicher nemen frey vnd ledig vorkewffen, wem her wil vnd das treyben vnd tragen vnd thuen, wo hin her wil vngehindert von allirmeniklich vnd daran sullen yn noch seyne nochkomen vnd gewerken keyner vnser amptman hindern in keynerley weyse noch hewptman, auch sullen der egenante her Michel, seyne erben, nachkomen aller ander rente vnd vfsacze vbirhaben seyn von allirmeniclichen; auch thu wir dem egenanten hern Micheln, seynen geerben vnd nachkomen dy genade, das her alle sein gut, das her hat odir gewynnet, es sein teyle an den berckwerken, adir was her hat, geben mag gotishewsern, armenlewten, selgereten, stifften, frunden adir fremden, wem her wil, in sulcher vndirscheyt, was her wil geben gotis hewsern ader selgerete, stifften von dem vorgenanten achteil, das man ym frey vnd ledig vorbawen sol, als oben geschriben stet, das sal her thun mit wissen vnd rate der ratmanne der stad zu Legnicz, vnd das dyselben vnd ir yczlicher haben sullen volle gewalt vnd macht zu fordern vnd czu nemen vnd zubesiczen dy obgenanten gutern ader teyle in allem rechten, als der obgenante her Michel gehabit hat. Auch thun wir dem selben hern Micheln, seinen erben vnd nachkomen vnde gewerken dise genade, das sy mugen czihen in ander lande adir stete, adir wo sy hin wollen mit alle ir habe, sy sey cleine adir gros, wenig adir vil, frey vnd ledig, vor allirmeniclich vngehindert vnd ab sich ymant frevenlich wider vnse gebote vnd saczunge widerseczte vnd das achte teyl, es sey golt adir silber, als oben lauterlich begriffen ist, nicht geben wolde dem obgenanten hern Micheln, seynen erben vnd nachkomen, der sal czu vorausz vorfallen sein seyner teyle dem obgenanten hern Micheln, seinen erben vnd nachkomen, darvmb gebiten wir allen vnsirn amptlewten vnd hewptlewten, richtern vnd foyten, reten, steten, merkten darinne gemeynlich vnd allen andern inwonern vnsir lande, das sy dem obgenanten hern Micheln, seinen erben vnd nachkomen beholffen seyn, das ym das volkomlich volge, das obengeschriben stet; auch vorlihen wir von sunderlichen gnaden vnd geben volle macht dem vorgenanten hern Micheln, seinen erben vnd nachkomen vnde wem her das bevelet an seiner stad, das her alle seyn amptlewte vnd arbeytern vff allen berckwerken zum Goltperg vnd czum Niclasdorff vbir der erden vnd vnder der erden, seczen vnd entseczen mag vnd sol ouch vnd mag, wenn her wil, dy stroffen vnd bessern vmb ir missetat vnd saumnusse, als denn billich ist, vnd keiner vnsir amptman, foyte nach richter nach ander vnsir amptlewte yn sullen dar an hindern noch irren in keinerley weyse, bey vnsern hulden vnd ap ymant were, es sei lantherre adir ritter, knechte, geistlichen adir werltlichen, keinerley gewalt teten dem egenanten hern Micheln adir seynen erben vnd nachkomlingen, heymlichen nach offenbar, adir yn hinderten adir irrten an seiner kunst vnd kunslichen arbeyt, das her beweysen mochte, adir sich frevenlich disem brife vnd vnsirm gebote als obengeschriben stet in keinerley weyse widerseczten, dy selben sullen vnd irer iczlicher besunder sal vorfallen sein mit funffczig mark lotiges goldes, in vnsir camer czu geben vnd czu beczalen vnd dorczu wollen wir sy vnd ir iczlichen vorbussen an leybe vnd an gute, als billich ist, vnd ap wir vormals ymant andirs, in welcherley weise der were, brife gegebin hetten vff dy selben berckwerke, das sy dy solden auch ane pherde vnd ane rosse geweidigte haben vnd dorvmb, das sie das bis doher nicht getan haben, vortilgen wir vnd vornichten sulche brife mit rechtir wissen vnd wellen, das sy keine crafft haben sullen gegen disen brife. Auch derfullen wir allen gebrechen vnd saumnusse, dy adir der nicht gar vnd gancz in disem brife begriffen were, von vnsir sunderlicher gewalt vnd macht vnd gebiten darvmb allen vnsern lantherren, lantlewten, rittern, knechten, hauptlewten, amptlewten, lantfoyten, stete foyten, burgermeystern, reten vnd burgern gemeinlich vnd allen einwonern vnsir lande, herczogenthum vnd herschafften czu Legnicz, czum Goltperge, der stete, der merkte vnd dorffer adyr wy dy genant sein adir in czukunfftigen czeiten werden, ernstlich vnd vesticlich mit disem brife, das dy den egenanten hern Micheln, sein erben vnd nachkomen vnd seine arbeyter an der egenanten kunstlichen kunst, arbeyt vnd gepewde der berckwerke mit allen rechten vnd freyheiten vnd bey vnsirn gnaden vnd saczunge als obengeschreben stet vnd lauterlich begriffen ist, nicht hindern nach irren lassen in keinerley weyse, sundir sy von vnsir machte wegen getreulich vnd ernstlich befriden, hant haben vnd schutczen vnd schirmen vnd auch, als offt yn das not ist, geleyten sullen bey tag vnd nacht vnd sy also vberal vnd allenthalben dobey geruchlich lassen bleyben in czukunfftigen czeiten vnbeschedigit vnd vngehindirt, also lib yn sey vnser swere vngunst vnd dy obgenante busse czu vormeyden vnd des durch sunderlicher vnsir vnd des landes czu Legnicz, czum Goltperge nucze vnd fromen willen, vor vns vnd vnsir nachkomen, herczog czu Legnicz vnd czum Goltperge, globen wir in guten trewen dy egenanten stucke vnd artikeln bey vnsern guten trawen gancz vnd stete czu halden vnd zu volfuren an alles geferde vnd argelist, vnd wir burgermeister, rete vnd burger gemeinlich der stete czu Legnicz vnd czum Goltperge vnd czu Nicclasdorff globen von gebote vnd befelunge vnsers gnedigen herren herczog Ruprechts vnd mit dem selben vnsirn herrin, das wir daran sein wellen mit guten trewen nach vnsirm vormugen, das dem egenanten hern Micheln vnd seinen nachkomen vnd gewerken alle egenante stucke vnd artikel, als sy vorgeschriben sein, sullen genczlich gehalden vnd volfüret werden vnd wellen sy auch dobey hant haben, schuczen vnd schirmen wider allirmeniclich noch vnsirm vormugen an alle geferde vnd argelist, vnd des czu vrkunt vnd sicherheyt haben wir vorgenanter herczog Ruprecht vnsir grossir ingesigel vnd dy ob genanten stete Legnicz, Goltperg vnd Niclasdorff auch ir insigel czu dem vnsern an desin brif gehangen, der do gegebin ist czu Legnicz noch Cristus geburde virczenhundirt jare, darnach in dem virden jare, an dem nechsten Montag vor sant Lamperti tag, do bey sint gewest vnsere getrewen Nytsche Vngeroten, Hannos Hertil. Hancke Wellir, Hannos Gawen, Burgolt Slevicz, Wilrich Guske vnd Johannes Alczenaw, vnsir schreyber, dem wir disen briff befulen.

Bitschens Privilegb. f. CI.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866